Gürcüstan, Tbilisi, 11 oktyabr/ Trend müxbir N.Kirtsxaliya/ Bir neçə gündən sonra - oktyabrın 15-də Cenevrədə Gürcüstan üzrə konfrans keçiriləcək. Konfransda Gürcüstan ərazisindən Rusiya hərbçilərinin tamamilə çıxarılması məsələsi müzakirə olunacaq. Bunu Fransanın xarici işlər naziri Bernar Kuşner Qoridə jurnalistlərə bildirib. Onun sözlərinə görə, "indiyədək Rusiya qoşunlarının Gürcüstandan çıxarılmasının yalnız birinci mərhələsi başa çatıb".
"Rusiya tərəfi sazişi qismən yerinə yetirib. Saziş mərhələli şəkildə icra olunur. Bu çox çətin və uzun prosesdir", - Kuşner bildirib.
O vurğulayıb ki, Cenevrədə keçiriləcək görüşdə hələ də Rusiya hərbçilərinin tərk etmədiyi Axalqori və Kodorinin məsələsinə baxılacaq. Kuşnerin sözlərinə görə, Avropa İttifaqı münaqişə zonasının bərpasında iştirak edəcək.
Müəlliflə əlaqə saxlamaq üçün elektron ünvan: [email protected]