İraq Baş nazirinin xüsusi təmsilçisi Əkrəm əl-Hakim bu gün Ankarada Türkiyənin Baş naziri Rəcəb Tayyib Ərdoğanla görüşəcək. Bu barədə Türkiyənin "Cihan" informasiya agentliyi məlumat verib.
Görüşdə əl-Hakimin İraq və ABŞ arasında imzalanan təhlükəsizlik müqaviləsi haqqında Ərdoğanla fikir mübadiləsi aparacağı nəzərdə tutulur. Əl-Hakim Ərdoğana İraqın Baş naziri Nuri əl-Malikinin məktubunu çatdıracağını bildirib.