Azərbaycan, Bakı, 21 aprel / Trend , müxbir C.Babayeva/
ATƏT-in çərşənbə axşamı Bakıda keçirməyi planlaşdırdığı "Azərbaycanda terrorizimlə mübarizədə dövlət-ictimai əməkdaşlıq" adlı milli konfransı təxirə salınıb. Tədbir təşkilatçıları təxirə salmanın səbəblərini açıqlamayıblar.
Konfransın ATƏT-in Nazirlər Şurasının 2007-ci ildə Madriddə qəbul etdiyi qərara əsasən keçirilməsi planlaşdırılırdı. Konfransda terrorizmlə mübarizədə vətəndaş cəmiyyəti və mətbuatla dövlət-ictimai əməkdaşlıq, infrastruktur və tədbirlərin terror hücumundan müdafiəsində dövlət-ictimai əməkdaşlıq və terrorizmin maliyyələşdirilməsinin qarşısının alınmasında dövlət-ictimai əməkdaşlıq məsələlərinin müzakirəsi nəzərdə tutulur.
Tədbirdə rəsmi şəxslər, beyənlxalq təşkilatların nümayəndələri, QHT, kütləvi informasiya vasitələri və diplomatik nümayəndəliklərdən rəsmi şəxslərin iştirakı gözlənilirdi.
Məqalə müəllifi ilə əlaqə ünvanı - [email protected]