Azərbaycan, Bakı, 24 fevral / Trend , müxbir Ü.Sadıxova/
Bu il Qətərin Baş naziri, xarici işlər naziri Şeyx Həməd bin Casim Cəbr Al Saninin Azərbaycana səfəri gözlənilir. Bu barədə diplomatik mənbə Trend -a deyib.
Bu cavab səfəri olacaq. Yanvarda Azərbaycanın xarici işlər naziri Elmar Məmmədyarov Qətərə üçgünlük səfər edib və həmin səfər zamanı Qətər Əmiri, xarici işlər naziri və digər rəsmi şəxslərlə görüşü təşkil edilib. Səfər çərçivəsində Azərbaycan və Qətər hökumətləri arasında diplomatik və xüsusi pasportları olan şəxslərin viza rejimindən azad edilməsi barədə müqavilə imzalanıb.
