Azərbaycan, Bakı, 20 aprel /Trend, müxbir S.Ağayeva/
İtaliyanın iqtisadi inkişaf nazirinin müavini Adolfo Ursonun rəhbərlik etdiyi iqtisadi missiya Azərbaycana səfər edəcək.
Səfər aprelin 25-26-da baş tutacaq. Bunu Trend-ə Azərbaycanın İtaliyadakı səfiri Emil Kərimov deyib.
Səfər zamanı Urso xarici işlər naziri Elmar Məmmədyarov, iqtisadi inkişaf naziri Şahin Mustafayev və nəqliyyat naziri Ziya Məmmədov ilə görüşəcək.
"Səfər çərçivəsində iki ölkənin iş adamlarının iştirakı ilə biznes forumu keçiriləcək. Forumda ticari-iqtisadi sahədə əməkdaşlıq perspektivləri müzakirə olunacaq", - səfir bildirib.
