Gürcüstan, Tbilisi, 2 iyun /Trend, müxbir N.Kirsxaliya/
Xelvaçauri rayonunda Gürcüstan-Türkiyə sərhədini qanunsuz olaraq keçmək istərkən saxlanılmış azərbaycanlı qadınlar - İradə Həsənova, Zamirə Abbasova və Aynur Qurbanova 344-cü maddə, 2-ci bənd, "a" yarımbəndi üzrə təqsirləndirilib.
Saxlanılanlar 2 ay azadlıqdan məhrum edilib. Bu barədə Trend-ə Gürcüstan sərhəd polisindən məlumat verilib.
Azərbaycanlı qadınlar qanunsuz olaraq Türkiyəyə keçmək istərkən Acarıstanın dağlıq Xelvaçauri rayonunda saxlanılıb.