Azərbaycan, Bakı, 8 iyun /Trend, müxbir S.Ağayeva/
Azərbaycanın Polis Akademiyası İordaniyanın təcrübəsini öyrənir. Azərbaycan DİN Polis Akademiyasının rəisi, polis general-mayoru Ramiz Nağıyevin başçılıq etdiyi nümayəndə heyəti İordaniyanın hüquq-mühafizə orqanlarının fəaliyyəti ilə tanış olmaq məqsədilə Əmmanda səfərdədir. Bu barədə Trend-ə Azərbaycanın bu ölkədəki səfiri Elman Araslı çərşənbə axşamı məlumat verib.
Azərbaycan nümayəndə heyəti bu məqsədlə ölkənin müvafiq strukturları ilə görüşlər keçirir, gələcək əməkdaşlığın perspektivlərini müzakirə edir.
Səfir qeyd edib ki, bu, Azərbaycan DİN xətti ilə İordaniyaya səfər edən ilk nümayəndə heyətidir.