Azərbaycan, Bakı, 28 mart /Trend, müxbir S.Ağayeva/
Azərbaycan-İordaniya iqtisadi əməkdaşlıq üzrə hökumətlərarası komissiyanın ikinci iclası aprelin 11-12-də Bakıda keçiriləcək. Bu barədə Trend-ə bazar ertəsi Azərbaycanın İordaniyadakı səfiri Elman Araslı deyib.
Bu məqsədlə Bakıya İordaniya Haşimiyyə Krallığının sənaye və ticarət naziri Hani əl-Mülkinin başçılığı ilə nümayəndə heyəti gələcək.
Komissiyanın ilk iclası 2008-ci ildə İordaniyada keçirilib.
İclasda iki ölkə arasında ticari-iqtisadi əməkdaşlıq perspektivlərinin müzakirəsi planlaşdırılıb. İclasın yekunları üzrə protokol imzalanacağı gözlənilir.