Azərbaycan, Bakı, 15 fevral /Trend, müxbir E.Mehdiyev/
Bakı şəhər İcra Hakimiyyəti Müsavat Partiyasının Bakı Əl Oyunları və İdman Sarayında qurultay keçirməklə bağlı müraciətinə cavab verib.
Partiya başqanının müavini Gülağa Aslanlı çərşənbə günü Trend-ə bildirib ki, BŞİH qurultayın Əl Oyunları və İdman Sarayında keçirilməsinə icazə verməyib.
Qeyd edək ki, Müsavat Partiyası Məclisinin yanvarın 7-də keçirilən iclasında VIII qurultayın bu il martın 3-4-də keçirilməsi qərara alınıb. Qurultay zamanı yeni başqanın seçilməsi məsələsi də gündəmdədir.