Azərbaycan, Bakı, 27 aprel /Trend/
Pakistanın Ravalpindi şəhər məhkəməsi sabiq Prezident, general Pərviz Müşərrəfin 2007-ci ildə keçmiş Baş nazir Benazir Bhuttonun qətli ilə bağlı iş üzrə üç gün ev dustağı qismində saxlanılması barədə qərar çıxarıb. Bu barədə Trend RİA Novosti-yə istinadən məlumat verir.
Qeyd edək ki, Müşərrəf 2007-ci ildə fövqəladə vəziyyətin tətbiqi haqqında işə görə artıq İslamabad yaxınlığında yerləşən Çak Şahzaddakı iqamətgahında mayın 4-dək ev dustağı edilib.
Beləliklə, o, hər iki cəzanı eyni vaxtda çəkəcək.