Azərbaycan, Bakı, 13 sentyabr /Trend/
Bu gün birinci Azərbaycan Beynəlxalq müdafiə sənayesi "ADEX-2014" sərgisini ziyarət edən Azərbaycanın Baş naziri Artur Rasi-zadə Müdafiə Sənayesi Nazirliyinin stendlərində olub.
Nazirlikdən Trend-ə verilən məlumata görə, müdafiə sənayesi naziri Yavər Camalov Baş nazirə "ADEX-2014" sərgisi və Müdafiə Sənayesi Nazirliyi tərəfindən sərgidə nümayiş etdirilən məmulatlarla bağlı geniş məlumat verib.
A.Rasi-zadə nazirlik tərəfindən nümayiş etdirilən məmulatları böyük maraqla izləyib.