Bakı. Trend:
İnsan hüquqlarının müdafiəsi Azərbaycan hökumətinin gündəliyində duran əsas istiqamətlərdən biridir.
Trend xəbər verir ki, bunu Azərbaycan xarici işlər nazirinin müavini Mahmud Məmmədquliyev ADA Universitetində Azərbaycan ilə Avropa Şurası arasında əməkdaşlığın 20 illiyinə həsr olunmuş dəyirmi masada çıxışı zamanı deyib.
O bildirib ki, Azərbaycanın məhkəmə-hüquq sistemində aparılan islahatlar, korrupsiyaya qarşı mübarizə ölkə hökumətinin həyata keçirdiyi tədbirlərin sübutudur.
Nazir müavini onu da qeyd edib ki, sülhün və təhlükəsizliyin təmin edilməsi, işğaldan azad edilmiş ərazilərin bərpası mütləq prioritet məsələdir.