Bakı. Trend:
Belarus Azərbaycana yeni səfir təyin edib.
Trend "BELTA"ya istinadən xəbər verir ki, bununla bağlı qərarı Belarus Prezidenti Aleksandr Lukaşenko verib.
Beləliklə, Belarusun Azərbaycandakı yeni səfiri Dmitri Pineviç olub. O, daha öncə Belarusun səhiyyə naziri vəzifəsində çalışıb.
Bundan əlavə, A.Lukaşenko Belarusun Qazaxıstan, Özbəkistan, Türkiyə, İsrail və Kubadakı səfirlərini də dəyişib.
Belarusun Qazaxıstandakı yeni səfiri Aleksey Boqdanov, Özbəkistandakı yeni səfiri Aleksandr Oqorodnikov, Kubadakı yeni səfiri Vitali Borçuk, Türkiyədəki yeni səfiri Anatoli Qlaz, İsraildəki yeni səfiri Yuri Yaroşeviç olub.