Bakı. Trend:
Prioritetimiz qonşu ölkələrlə yaxın münasibətlərə malik olmaqdır.
Trend xəbər verir ki, bunu İran İslam Respublikasının Prezidenti Məsud Pezeşkian AzTV-yə müsahibəsində deyib.
"Birinci prioritetimiz qonşu ölkələrlə yaxın münasibətlərə malik olmaqdır. Azərbaycanla bizim aramızda heç bir qəriblik hissi yoxdur. Azərbaycana səfərimdə Prezident İlham Əliyev ilə görüşümdə də bu öz əksini tapacaq. Bizim ölkələrimiz keçmişdən çox yaxın qardaşlar olub, bundan sonra da bu belə olacaq", - o bildirib.
Qeyd edək ki, İran Prezidenti Məsud Pezeşkian aprelin 28-də Azərbaycana səfər edəcək.