Bakı. Trend:
Azərbaycanın xarici işlər naziri Ceyhun Bayramov İtaliyaya rəsmi səfəri çərçivəsində ölkə Senatının Prezidenti İqnatsio La Russa ilə görüşüb.
Trend xəbər verir ki, bu barədə XİN "X" sosial şəbəkə hesabında paylaşım edib.
Bildirilir ki, tərəflər Azərbaycan və İtaliya arasında güclü strateji tərəfdaşlıq münasibətləri barədə konstruktiv fikir mübadiləsi apardılar, siyasi dialoq və əməkdaşlığın davamlı inkişafını vurğulayıblar.
Müzakirələr parlamentlərarası əlaqələrin genişləndirilməsi, enerji, iqtisadiyyat, mədəniyyət və təhsil sahələrində əməkdaşlığın dərinləşdirilməsi, eləcə də regional sülh və sabitliyin dəstəklənməsi səylərinin gücləndirilməsi perspektivlərini əhatə edib.