Bakı. Trend:
Kanadalı diplomat Kevin Hamilton martın əvvəlindən etibarən NATO Baş katibinin Qafqaz və Mərkəzi Asiya üzrə xüsusi nümayəndəsi təyin edilib.
Trend bu barədə NATO-nun rəsmi saytına istinadən xəbər verir.
“Kevin Hemilton alyansın bu iki strateji əhəmiyyətli region üzrə siyasətinin həyata keçirilməsinə cavabdehdir. O, eyni zamanda, NATO-nun Siyasi Məsələlər və Təhlükəsizlik Siyasəti Bölməsində Tərəfdaşlıqlar üzrə Baş katibin müavininin köməkçisidir”,-deyə məlumatda qeyd olunur.
Qeyd edək ki, Kanadanın Xarici Xidmətinin karyera diplomatı olan Hemilton 2023–2026-cı illərdə Kanadanın Türkiyədəki səfiri vəzifəsində çalışıb, eyni zamanda Azərbaycan və Gürcüstanda akkreditə olunub.
O, bundan əvvəl 2016–2020-ci illərdə Rumıniya, Bolqarıstan və Moldova Respublikasında səfir kimi fəaliyyət göstərib.