"Konstitusiya Məhkəməsinin ədalətsiz qərarından Avropa İnsan Haqları Məhkəməsinə müraciət edəcəyik". Trend xəbər verir ki, bu barədə "Azadlıq" seçki blokunun təsisçilərindən olan Azərbaycan Xalq Cəbhəsi Partiyasının (islahatçılar) sədri Əli Kərimli dekabrın 2-də keçirdiyi mətbuat konfransında bildirib.
Ə.Kərimli qeyd edib ki, Mərkəzi Seçki Komissiyası və Konstitusiya Məhkəməsinin seçkilərin saxtalaşdırılması ilə bağlı qərarlarından Avropa İnsan Haqları Məhkəməsinə müraciət edəcəklər: "Bu istiqamətdə mübarizəmizi davam etdirəcəyik".