Salyanda əmək yarmarkası keçirilmişdir. Əmək yaramarkasında 21 idarə və müəssisə tərəfindən 273 boş iş yerləri təqdim olunmuşdur. Bunlardan 14-ü dövlət, 7 -i isə qeyri-dövlət müəssisəsi olmuşdur. 273 boş iş yerlərindən 162-i fəhlə, 102-i qulluqçu, 8-i isə xidmətçi yerləridir. Boş iş yerlərindən 116-i dövlət, 157-i isə qeyri-dövlət müəssisələrindən olub. Bundan başqa, özəl təşkilatlar 3175 mövsümi iş yeri təklif etmişlər. Əmək yarmarkasına müraciət edənlər "Azəriçin tikinti materialları istehsalı" MMC-də, "Nurgün"inşaat müəssisəsində, "Beysəroğlu" firmasında, Aqrar- tikinti" təşkilatının filialında işləməyə daha çox maraq göstərirdilər. Belə ki, bu müəssisələrdə işçilərin əmək haqqı 150-250 manat məbləğindədir. Rayon məşğulluq mərkəzinin rəisi Maisə Abdullayevvanın dediyinə görə, əmək yarmarkasında 375 nəfər rayon sakini iştirak etmiş, onlardan 54 nəfərinə işə göndəriş verilmişdir. İşə göndəriş alanların 37 nəfəri fəhlə, 17 nəfəri isə qulluqçu olmuşdur.
...
