Azərbaycan Demokrat Partiyasının (ADP) Ali Məclisinin növbəti iclası noyabr ayının ikinci yarısında keçiriləcək. Bu barədə Trend ə ADP-dən məlumat verilib.
ADP-nin oktyabrın 16-da keçirilən İdarə Heyətinin toplantısında ölkədəki ictimai-siyasi vəziyyət, təşkilati məsələlər müzakirə olunub. Toplantıda 18 oktyabr 1991-ci il tarixdə imzalanmış Müstəqillik Aktının 15 illiyi münasibəti ilə Azərbaycan xalqına müraciət qəbul edilib.
Təşkilati məsələlərlə bağlı geniş müzakirə aparılıb və növbəti həftə partiyanın Bakı şəhər təşkilatlarının fəal üzvlərinin iştirakı ilə iclaslarının keçirilməsi, həmçinin Ali Məclisin növbəti sessiyasının noyabr ayının ikinci
yarısında keçirilməsi ilə əlaqədar qərar qəbul edilib.
Qeyd edək ki, müxalifəti təmsil edən ADP hazırda "Azadlıq" siyasi partiyalar blokunun üzvüdür. ADP-nin sədri, Azərbaycanın eks-spikeri Rəsul Quliyev 1996-cı ildən indiyədək mühacirətdə yaşayır.