MDB dövlət başçıları Minskdə üç başlıca istiqamət - iqtisadiyyat, təhlükəsizlik və humanitar sahədə əməkdaşlığa aid böyük sənəd paketini nəzərdən keçiriblər. Bu barədə bu gün jurnalistlərə açıqlamasında İcraiyyə komitəsinin sədri - MDB -nin İcra katibi Vladimir Ruşaylo məlumat verib.
Onun sözlərinə görə, Minsk sammitinin yekunu üzrə iqtisadi inteqrasiya hissəsində "2003-2010-cu illərdə iqtisadiyyat sahəsində MDB iştirakçı-dövlətlərinin qarşılıqlı fəaliyyətinin inkişafı və yüksəldilməsinə yönəldilmiş başlıca tədbirlərin reallaşdırılması planının icrasının gedişi haqqında sənəd imzalanıb".