...

Yanacağın bahalaşması Bərdə bazarında odunun qiymətinin qalxmasına səbəb olub

Siyasət Materials 8 Yanvar 2007 18:38 (UTC +04:00)

Bərdə bazarında odunun qiyməti xeyli artıb. Belə ki, əvvəllər bazarda 1 KAMAZ odunun 1 cərgəsinin qiyməti 54-56 manat idisə, hazırda 70 manatdır, yaxud 35-40 ədəd xırda parçalanmış odunun qiyməti 2 manatdan 4 manata qalxıb. Bazarda odunsatanlar bunun səbəbini benzin və digər yanacağın qiymətinin artması ilə əlaqələndirir. Çünkü onlara odunu gətirib bazara çıxartmaq əvvəlki qiymətdən baha başa gəlir.

Odun yanacağından istifadə edən sakinlər bundan çox narahatdırlar. Onlar bu qışa nə yandıracaqlarını bilmirlər. Çünki onlara elektrik fasilələrlə verilir, təbii qaz, ümumiyyətlə yoxdur, odunun qiymətinin isə ötən ilki qışdan bu qışa gədər gözlənilməz həddə qalxıb, qiymət fərqi 100% təşkil edir.

Məsələyə münasibət bildirən Bərdə rayon 8 saylı ərazi ekologiya və Təbii Sərvətlər şöbəsinin tənzimləmə və ətraf mühitdən istifadə sektorunun məsləhətçisi Əliabbas Nağıyev bazarda odunun qiymətinin qalxmasının səbəbini yanacaq qiymətinin artması ilə əlaqədar olduğunu bildirdi. Ə.Nağıyev onu da qeyd etdi ki, odun satan işbazlar yanacağın bahalaşmasından istifadə edərək odunu həddən artıq baha satırlar.

Bərdə rayon qaz istismar idarəsindən Trend in bölgə müxbirinə verilən məlumata görə, şəhər ərazisində yaşayan əhalinin yarıdan çoxuna təbii qaz xətti çəkilib. Bu günə gədər 4 min 735 ailəyə və 450 məcburi köçkün ailəsinə qaz xətti çəkilərək sakinlərin istifadəsinə verilib. Hazırda isə yeni qaz xətlərinin çəkilişi davam edir.

Xəbər lenti

Xəbər lenti