Qarabağ Azadlıq Təşkilatı (QAT), siyasi partiyalar, qeyri-hökumət qurumları, keçmiş döyüşçülər yanvarın 20-də saat 12.00-də Əzizbəyov heykəli yanından başlayaraq Şəhidlər Xiyabanınadək yürüş edəcəklər. Trend in məlumatına görə, yürüşün ardınca şəhidlərin məzarı ziyarət ediləcək.
Qeyd edək ki, 4 müxalifət partiyasının təmsil olunduğu "Azadlıq" bloku, Müsavat Partiyası və digər partiyalar, ziyalılar, şəhid ailələri də ziyarətdə iştirak edəcəklər. Hakim Yeni Azərbaycan Partiyasının (YAP) rəhbərliyi və fəalları da 20 yanvar günü Şəhidlər Xiyabanını ziyarət edəcəklər.