Gəncə şəhər İcra Hakimiyyətində qimət artımı ilə əlaqədar fəalların yığıncağı keçirilib. Trend in Qərb Bürosunun verdiyi məlumata görə müxtəlif fikirlərin səsləndiyi iclasda şəhər icra hakimiyyəti başçsıı Eldar Əzizov öz işində qeyri obyektivliyə yol verən məmurları daha məsuliyyətli olmağa çağırıb.
Şəhər rəhbəri qiymət artımının əhali arasında heç bir təşvişlə qarşıanmamalı olduğunu söyləyib. O bildirib ki, əvvəlki illərə nisbətən əhalinin sosial durumunun yaxşılaşması və minimum əmək haqqının ən son qərarla 50 manata çatdırılması bu fikirləri təsdişləyir.
"Bir neçə il bundan əvvəl şəhər üzrə 50 nəfərə maddi yardım edilirdi. Hazırda isə ən çoxu 10-15 nəfərə maddi yardım yazılır. Gəncədə aztəminatlı ailələr 20 faiz təşkil etsə də, nəticədə bütün faktlar orta təbəqənin kifayət qədər formalaşmasından xəbər verir. Bu səbəbdən də qiymət artımını faciəvi bir hal kimi qiymətləndirmək olmaz" - deyə E.Əzizov bildirib.
Müşavirədə Tarif Şurasının qərarından sonra nəqiliyyatda baş verən dəyişikliklərə münasibətdə bildirilib. E.Əzizov qeyd edib ki, rəsmi göstəriş olmazsa marşurutlarda qiymətlərin qaldırıdlması yolverilməzdir.
Təbii qaz və enerji məsələsinə də toxunan başçı bir neçə rəqəmlərlə fikirlərini izah edib. "Hamı enerjinin qiymətinin artmasına etirazını bildirir. 2006-cı ildə Gəncə əhalisi verilən enerjinin 33,3 faizini, təbii qazın isə 23 faizini ödəyib. Ancaq başa düşmək lazımdır ki, bazar iqtisadiyyatıdır, gərək istifadə olunan enerjinin pulu tam ödənilsin" - deyə E. Əzizov bildirib.