Ötən ay Naxçıvan MR-də istifadə olunan elektrik enerjisinin dəyərinin ödənilmə faizi 28,1 % təşkil edib. Bu barədə Trend in Naxçıvan Bürosu Naxçıvan MR Dövlət Energetika Agentliyinə istinadən xəbər verir.
Adıçəkilən təşkilatdan verilən məlumata görə 2007-ci ilin ilk ayında texniki itki nəzərə alınmaqla, daxil olan 101 mln 501 min kilovat- saat elektrik enerjisinin dəyəri 4 mln 159 min 300 manat olub. Toplanılan vəsaitin həcmi isə 1 mln 166 min 700 manat təşkil edib.
Ödənilmə faizinə görə ilk yerdə Ordubad rayonu 40,1 %-lə fərqlənir. Ən az ödənilmə 22,5 % olmaqla müvafiq olaraq Babək və Şərur rayonlarında qeydə alınıb.
Qeyd edək ki, Naxçıvan MR üzrə abonentlərin sayı 58 846 nəfərdir.
