Azərbaycan, Bakı /müx. Trend S.Ağayeva/ Avropa Birliyinin Cənubi Qafqaz üzrə xüsusi nümayəndəsi Piter Semnebi Azərbaycan rəhbərliyi ilə söz azadlığına dair məsələni müzakirə edəcək.
Semnebi cümə axşamı günü Bakıda bəyan edib ki, məqalələrinə görə jurnalistləri həbsxanaya salmağı düzgün saymır. Onun fikrincə, müvafiq maddə Azərbaycanın Cinayət Məcəlləsindən çıxarılmalı və mətbuatda böhtan məsələsi mülki iş kimi nəzərdən keçirilməlidir.