...

Avropa Şurası azərbaycanlı jurnalistlər üçün iki illik proqrama başlayır

Cəmiyyət Materials 19 Fevral 2008 18:44 (UTC +04:00)

Azərbaycan, Bakı, 19 fevral/ Trend , müxbir K.Ramazanova/ Avropa Şurası Azərbaycanda jurnalistlərin peşəkarlıq səviyyəsini yaxşılaşdırmaq niyyətindədir.

"Biz jurnalistlərin, yayımı nizamlayan strukturların müstəqilliyini, Azərbaycanda KİV özünütənzimləməsi mexanizmini daim diqqətdə saxlayırıq", - çərşənbə günü Bakıda Azərbaycanda KİV məsələləri üzrə Avropa Şurasının məsul əməkdaşı Françeska Klopfer (Franziska Klopfer) bildirib.

Onun sözlərinə görə, yaxın vaxtlarda Avropa Şurası və Avropa Komissiyası Azərbaycanda KİV üçün iki illik proqramın icrasına başlayacaq. Proqram çərçivəsində seminar və treninqlər keçiriləcək.

Azərbaycanın "Yeni nəsil"Jurnalistlər Birliyinin rəhbəri Arif Əliyev Avropa Şurası nümayəndələri ilə görüşdən sonra Trend -ə müzakirələrin KİV-in bütün sahələrini əhatə etdiyini və "ciddi islahatlardan söz getdiyini" bildirib.

"KİV-ə ictimai dəyərlərin müdafiəçisi qismində çıxış etmək və müstəqil, özünütənzimləyən və məsuliyyətli olmaq üçün lazım olan dəyişikliklər müzakirə edilib", - Əliyev bildirib.

Ay ərzində müzakirələrin yekunlarına görə hesabat hazırlanacaq.

Fevralın 19-22-də Avropa Şurasının KİV məsələləri üzrə missiyası Bakıda olacaq. Səfər çərçivəsində, AŞ-nin ekspert nümayəndə heyətinin üzvləri Azərbaycan hökuməti, Milli Məclisdə, həmçinin, yerli KİV, qeyri-hökumət təşkilatları nümayəndələri ilə görüşlər və danışıqar aparacaqlar. Avropalı eskpertlər Azərbaycan KİV-nə yardımın nədən ibarət ola biləcəyini və onların daha çox nəyə ehtiyacı olduğunu müəyyən etməlidirlər.

Gələcəkdə qrupun daha iki iclası keçiriləcək və bu iclaslar iki illik tərəfdaşlıq proqramının prioritetlərini müəyyən etməlidirlər.

Xəbər lenti

Xəbər lenti