Azərbaycan, Bakı, 12 sentyabr / Trend , E.Quliyev/ Azərbaycanın şimal-qərbində (paytaxtdan 352 km məsafədə) yerləşən Şəkidə eramızdan əvvəl III minilliyə aid olan soba aşkarlanıb.
Respublikada sayca
üçüncü olan mis əridən soba Azərbaycan
Milli Elmlər Akademiyasının Arxeologiya və Etnoqrafiya
İnstitutunun Qax-Sarıca arxeoloji dəstəsinin apardıqları
arxeoloji qazıntılar zamanı tapılıb.
Arxeloji qazıntılar zamanı Şəki
şəhərinin mərkəzindən 40 km məsafədə Küngüt çayı dərəsində, Gavur qala
ətrafında yerləşən qədim
metaləritməninin izlərinə rast gəlinib.Tapıntı
ilə bağlı dərhal AMEA-ya məlumat verildikdən sonra
tapıntı yerinə arxeoloji ekspedisiya göndərilib. Ezam
olunmuş arxeoloji ekspedisiyanın rəhbəri Əzizə
Həsənovanın Trend -a verdiyi məlumata görə,
ərazidə arxeoloji qazıntıların miqyasının
genişləndirilməsi üçün AMEA-ya
müraciət edilib.
Həsənova tapıntının bizim eradan əvvəl III minillikdə Azərbaycanın qədim şərq sivilizasiyası ilə əlaqələrinin öyrənilməsində xüsusi əhəmiyyət kəsb etdiyini vurğulayıb.
Müəlliflə əlaqə saxlamaq üçün elektron ünvan- [email protected]
