Azərbaycan, Bakı, 27 dekabr /Trend, müxbir M.Əliyev/
Azərbaycan Milli Televiziya və Radio Şurasının (MTRŞ) yeni radio kanalının yaradılması üzrə elan etdiyi müsabiqə ilə bağlı üç müraciət daxil olub. Bu barədə Trend-ə bazar ertəsi MTRŞ sədri Nuşirəvan Məhərrəmli bildirib.
"103.3-cü FM tezliyində yer almaq üçün "Radio Azad xəbər", "Radio Obyektiv" və "Alternativ radio" tərəfindən müraciət olunub", - Məhərrəmli deyib.
Onun sözlərinə görə, müraciət edənlərdən ikisi hüquqi, biri fiziki şəxdir.
103.3-cü FM tezliyində yer alacaq radio kanalı üzrə müsabiqə üçün noyabrın 25-dən dekabrın 25-ə qədər sənəd qəbulu həyata keçirilib.
MTRŞ sədrinin sözlərinə görə, yanvarın 25-nə kimi müraciətlərə baxılacaq və sonra qalib elan olunacaq.
Azərbaycanda 13 radio fəaliyyət göstərir.