Azərbaycan, Bakı, 28 aprel /Trend, müxbir K.Zərbalıyeva/
Ədliyyə Nazirliyi Penitensiar Xidmətin 2 saylı İstintaq Təcridxanasına mobil telefonların keçirilməsi cəhdinin qarşısı alınıb.
Trend-in Xidmətin ictimaiyyətlə əlaqələr şöbəsinə istinadən verdiyi məlumata görə, aprelin 26-da həyata keçirilmiş əməliyyat-axtarış tədbirləri nəticəsində 2 saylı İstintaq Təcridxanasında saxlanılan 1979-cu il təvəllüdlü, Cinayət Məcəlləsinin 126.1-ci maddəsi ilə təqsirli bilinən Hüseynov Ceyhun Qəhrəman oğlunun yanına görüşə gəlmiş qohumu Hüseynov Elmar Aydın oğlunun gətirdiyi sovqata baxış keçirilən zaman sənaye istehsalı olan qablaşdırılmış şorun içərisində sellofana bükülüb gizlədilmiş 1 ədəd "Nokia-6300", 1 ədəd "Soni Erikson-Z-250i" markalı mobil telefonlar, 1 ədəd "Sim" kart və hər iki telefon üçün elektrik yükləyiciləri aşkar edilərək götürülüb.
Fakt üzrə araşdırma aparılır.