...

Dövlət sərhədini pozan 39 Azərbaycan vətəndaşı saxlanılıb

Cəmiyyət Materials 9 İyul 2012 16:34 (UTC +04:00)
Dövlət Sərhəd Xidmətinin mətbuat xidmətindən bazar ertəsi Trend-ə verilən məlumata görə, iyun ayında Azərbaycanın dövlət sərhədlərini pozduqları üçün 38 halda 53 nəfər saxlanılıb. Saxlanılan əcnəbilərin 7-si Özbəkistan, 2-si Gürcüstan, 1-i Türkiyə, 3-ü İran, 1-i Moldova vətəndaşıdır.
Dövlət sərhədini pozan 39 Azərbaycan vətəndaşı saxlanılıb

Azərbaycan, Bakı, 9 iyul /Trend, müxbir İ.İsabalayeva/

Ölkəmizin dövlət sərhədlərini pozduğu üçün iyun ayı ərzində sərhədçilər tərəfindən 39 Azərbaycan vətəndaşı saxlanılıb.

Dövlət Sərhəd Xidmətinin mətbuat xidmətindən bazar ertəsi Trend-ə verilən məlumata görə, iyun ayında Azərbaycanın dövlət sərhədlərini pozduqları üçün 38 halda 53 nəfər saxlanılıb. Saxlanılan əcnəbilərin 7-si Özbəkistan, 2-si Gürcüstan, 1-i Türkiyə, 3-ü İran, 1-i Moldova vətəndaşıdır.

Sərhəd rejim qaydalarını pozarkən 5 halda 10 nəfər, Xəzər dənizində sahilboyu rejim qaydalarını pozarkən 24 halda 40 nəfər saxlanılaraq barələrində müvafiq tədbir görülüb.

Axtarışda olan 184 nəfər saxlanılaraq hüquq-mühafizə orqanlarına təhvil verilib.

İyun ayında sərhədçilər tərəfindən qanunsuz dövriyyədən 1 kiloqram 543 qram narkotik maddənin dövlət sərhədindən keçirilməsinin qarşısı alınıb.

Xəzər dənizində sahilboyu rejim qaydaları yoxlanılarkən Azərbaycana məxsus 3 gəmiyə və 24 qayığa baxış keçirilib.

Sərhədçilər 42 halda ümumi dəyəri 4 292 713 manat olan qaçaqmal saxlayıblar.

Qaçaqmal arasında odlu silah, siqaret və spirtli içkilər, dəmir axtaran cihaz, mobil telefonlar, müxtəlif növ dərman preparatları, ərzaq və kənd təsərrüfatı malları olub.

Xəbər lenti

Xəbər lenti