Azərbaycan, Bakı, 24 oktyabr /Trend, müxbir K.Zərbalıyeva/
Bu ilin 9 ayı ərzində Azərbaycanda 20 svetofor obyekti quraşdırılıb. Bu barədə Trend-ə Respublika Baş Dövlət Yol Polisi İdarəsindən məlumat verilib.
Məlumata görə, 2012-ci ilin 9 ayı ərzində "Siqnal" İstehsal Layihə İdarəsi tərəfindən 20 svetofor obyekti quraşdırılıb, 91 ədədi bərpa olunub, 4148 yol nişanı qoyulub və ya yenisi ilə əvəz edilib, boya ilə küçə və yollarda 1.648.650 pm cizgiləmə işi aparılıb.
...