Azərbaycan, Bakı, 8 yanvar /Trend, müxbir A.Tağıyeva/
İstanbulda əlverişsiz hava şəraiti səbəbindən bütün dəniz reysləri təxirə salınıb. Trend-in məlumatına görə, bu barədə çərşənbə axşamı "Haber 7" qəzeti xəbər yayıb.
Məlumata görə, əgər hava şəraiti yaxşılaşmazsa, dəniz reysləri sabah da təxirə salına bilər.
Dünəndən Türkiyə ərazisində qeyri-sabit hava şəraiti hökm sürür. Sinoptiklər İstanbulda və ölkənin bir çox vilayətlərində güclü qarın davam edəcəyini proqnozlaşdırırlar.