Azərbaycan, Bakı, 3 may /Trend/
Azərbaycan Respublikası Dövlət Neft Şirkətinin (ARDNŞ) "Bibiheybət" Neft və Qaz Çıxarma İdarəsində (NQÇİ) heç bir tətil keçirilmir. Bunu cümə günü Trend-ə ARDNŞ-nin İctimaiyyətlə əlaqələr şöbəsinin müdiri Nizaməddin Quliyev deyib.
Qeyd edək ki, daha əvvəl bəzi KİV-in yaydığı məlumatda NQÇİ-də əməkhaqqından narazı olan 100-ə yaxın işçinin tətilə başladığı bildirilirdi.
Quliyev deyib ki, idarədə 40 briqada işləyir. Bütün briqadalar iş yerindədir.
Qeyd edək ki, bu gün səhər saatlarında NQÇİ-nin 8 əməkdaşı ötən aya görə əməkhaqqında fərqi aydınlaşdırmaq üçün idarəyə gəlib. İzahatdan sonra cavabdan razı qalan əməkdaşlar işi davam etdiriblər.