Azərbaycan, Bakı, 14 fevral /Trend/
Gəncədə 1000 ha ərazidə texnopark inşa ediləcək.
Trend Kəpəz TV-yə istinadən xəbər verir ki, bunun üçün artıq Gəncə şəhər İcra Hakimiyyəti tərəfindən yer də ayrılıb. Bu barədə Azərbaycan Milli Elmlər Akademiyası Rəyasət Heyətinin Gəncədə keçirilən səyyar iclasında bildirilib.
AMEA-nın Rəyasət Heyətinin üzvləri Gəncədə aparılan arxeoloji qazıntılar zamanı Arxeologiya İnstitutu ilə əməkdaşlığın vacibliyini vurğulayıblar.
Qeyd olunub ki, yaxın zamanda Gəncədə fiberoptik kabellərin çəkilməsi son elmi nailiyyətlərin nəticəsidir.
İclasda AMEA-nın Gəncə bölməsinin 2013-cü il üçün hesabatı qənaətbəxş hesab edilib.