Azərbaycan, Bakı, 21 mart /Trend/
Türkiyə hökuməti "Twitter" şəbəkəsinə girişi bağlayıb. Trend-in məlumatına görə, bu barədə "Hürriyyət" qəzeti yazır.
"Twitter" şəbəkəsinə girişin bağlanması Türkiyənin Baş naziri Rəcəb Tayyib Ərdoğanın çıxışından bir neçə saat sonra baş verib.
Belə ki, Türkiyənin Baş naziri cümə axşamı partiyasının mitinqində bildirib ki, ölkədə Twitter-ə giriş mümkün olmayacaq.
Onun sözlərinə görə, "Twitter" şəbəkəsinə girişin qeyri-mümkünlüyünün azadlığa heç bir aidiyyəti yoxdur.