Azərbaycan, Bakı, 12 oktyabr /Trend, müxbir Elmir Murad/
Bu gün Bakının iki rayonuna içməli suyun verilməsində problemlər olacaq.
"Azərsu" ASC-dən Trend-ə verilən məlumata görə, gün ərzində Qaradağ rayonunun Lökbatan qəsəbəsinə və Binəqədi rayonunun Yeni Biləcəri yaşayış massivinin bir hissəsinə içməli suyun verilməsində məhdudiyyətlər olacaq.
Məhdudiyyətlər I və II Kür-Bakı magistral su xətlərində yenidənqurma işlərinin aparılması ilə əlaqədardır.
Yaranacaq narahatlıqla əlaqədar "Azərsu" ASC abonentlərdən üzr istəyir.