Bakı. Trend:
Aprelin 2-də gedən döyüşlərdə erməni mövqelərinə aviasia zərbələri zamanı düşmən tərəfindən vurulan Mİ-24 helikopterində şəhid olmuş qəhrəman pilotlarımız - mayor Təbriz Musazadə, mayor Urfan Vəlizadə, baş leytenant Bəkir İsmayılovla və düşmənlə döyüşlərdə qəhrəmanlıqla həlak olmuş digər hərbçimiz - Xüsusi Təyinatlı Qüvvələrin polkovnik-leytenatı polkovnik-leytenat Murad Mirzəyevlə bu gün vida mərasimi keçirilib.
Trend-in məlumatına görə, mərasim Müdafiə Nazirliyinin Təlim-Tədris Mərkəzində təşkil olunub.
Mərasimdə şəhidlərin yaxınları, dövlət və hökumət rəsmiləri, deputatlar, hərbçilər, ictimaiyyət nümayəndələri iştirak ediblər.
Azərbaycanın Müdafiə naziri general-polkovnik Zakir Həsənov vida mərasimində iştirak edir. Nazir Zakir Həsənov şəhidlərin yaxınlarına, ailələrinə qəhrəman övladlarının itikisi ilə bağlı başsağlığı verib.
Şəhidlər II Fəxri Xiyabanda dəfn ediləcəklər.