...

Ombudsman Azərbaycanda insan hüquqlarının qorunmasından danışdı

Cəmiyyət Materials 8 Dekabr 2017 10:01 (UTC +04:00)
Ölkəmizdəki ictimai-siyasi sabitlik insan hüquqlarının qorunmasına da əlverişli şərait yaradır.
Ombudsman Azərbaycanda insan hüquqlarının qorunmasından danışdı

Bakı. İlhamə İsabalayeva - Trend:

Ölkəmizdəki ictimai-siyasi sabitlik insan hüquqlarının qorunmasına da əlverişli şərait yaradır.

Trend-in məlumatına görə, bunu Azərbaycan Respublikasının insan hüquqları üzrə müvəkkli, ombudsman Elmira Süleymanova 10 dekabr - Beynəlxalq İnsan Hüquqları Gününə həsr olunan "Bərabər hüquqların təmin edilməsi üçün bərabər imkanlar: iştirakçılıq və tərəfdaşlıq" mövzusunda keçirilən konfransda çıxışı zamanı deyib.

O qeyd edib ki, ölkəmizdə insan hüquqlarının qorunması prioritet sahə elan olunub. Qısa müddətdə Azərbaycanda insan hüquqları ilə əlaqədar bir çox sənədlər qəbul edilib.

E.Süleymanova bildirib ki, fəaliyyətləri dövründə uşaqların hüquqlarının qorunması üçün təbliğat işləri aparılıb.

Ombudsman əlavə edib ki, gender bərabərliyinin təmini üçün yalnız hər hansı fakt üzrə deyil, ümumilikdə bütün hallara qarşı kompleks tədbirlər həyata keçirilməlidir. Belə tədbirlərin xüsusi əhəmiyyətinin olduğunu nəzərə çatdıran E.Süleymanova qeyd edib ki, Azərbaycanda indiyədək 11 amnistiya aktı qəbul edilib, 62 əfv sərəncamı imzalanıb, nəticədə on minlərlə insan azadlığa qovuşub.

Məqalədə:
Xəbər lenti

Xəbər lenti