...

Tibbi müalicə məqsədilə Azərbaycana gələn turistlərin sayında artım proqnozlaşdırılır

Cəmiyyət Materials 15 Dekabr 2018 09:08 (UTC +04:00)
Tibbi müalicə məqsədilə Azərbaycana səfər edən turistlərin sayı 2019-cu ildə 18 faiz artacaq.
Tibbi müalicə məqsədilə Azərbaycana gələn turistlərin sayında artım proqnozlaşdırılır

Bakı. Taleh Mursaqulov - Trend:

Tibbi müalicə məqsədilə Azərbaycana səfər edən turistlərin sayı 2019-cu ildə 18 faiz artacaq. Bunu Trend-ə Azərbaycan Sağlamlıq və Termal Turizmə Dəstək Assosiasiyasının sədri Ruslan Quliyev deyib.

Onun sözlərinə görə, 2018-ci ilin yanvar-noyabr aylarında tibbi müalicə məqsədilə Azərbaycana səfər etmiş turistlərin sayı ötən ilin eyni dövrü ilə müqayisədə 30 faiz artıb.

R.Quliyev bildirib: "Bu gün üçün təkcə Naftalan müalicəvi tibb mərkəzini 70-dən çox ölkədən 45 mindən artıq turist ziyarət edib. İlin sonuna qədər bu göstəricinin daha da artacağı gözlənilir".

Assosiasiya sədrinin sözlərinə görə, bura gələnlər arasında Rusiya, Qazaxıstan və Özbəkistandan olan turistlər çoxluq təşkil edir.

R.Quliyev əlavə edib ki, Azərbaycanda turizmin bütün növlərinin inkişaf etdirilməsi üçün şərait var:

"Sağlamlıq turizmi digər növlərdən onunla fəqlənir ki, mövsümi olmur, bu, hər zaman aktualdır".

O həmçinin əlavə edib ki, Azərbaycanda sağlamlıq turizminin xəritəsinin hazırlanması vacibdir ki, gələcəkdə turizmin bu istiqamətinin inkişafına təsir göstərə bilər.

Məqalədə:
Xəbər lenti

Xəbər lenti