...

DANX onlayn müşavirələr keçirir

Cəmiyyət Materials 29 Mart 2020 14:43 (UTC +04:00)
Azərbaycan Respublikasının ərazisində müəyyən edilmiş qeyri-iş günlərinin şamil edilmədiyi dövlət orqanları və qurumları sırasında Nəqliyyat, Rabitə və Yüksək Texnologiyalar Nazirliyinin bəzi tabeli qurumları, o cümlədən Dövlət Avtomobil Nəqliyyatı Xidməti aparatı və 11 regional bölməsi mövcuddur.
DANX onlayn müşavirələr keçirir

Trend-i buradan izləyin

Bakı. Ceyhun Ələkbərov - Trend:

Koronavirus pandemiyasının Azərbaycan ərazisində yarada biləcəyi təhlükənin qarşısının alınması məqsədilə aparılan təxirəsalınmaz tədbirlər çərçivəsində Nəqliyyat Rabitə və Yüksək Texnologiyalar Nazirliyi yanında Dövlət Avtomobil Nəqliyyatı Xidməti aparatının (DANX), onun tabeli və yerli qurumlarının əməkdaşlarının iş rejiminin dəyişdirilməsi, habelə digər preventiv tədbirlərin gücləndirilməsi məqsədilə onlayn rejimdə iclas və müşavirələrin, audio və videokonfrans formatında keçirilməsinə başlanılıb.

DANX-dan Trend-ə verilən məlumata görə, Azərbaycan Respublikasının ərazisində müəyyən edilmiş qeyri-iş günlərinin şamil edilmədiyi dövlət orqanları və qurumları sırasında Nəqliyyat, Rabitə və Yüksək Texnologiyalar Nazirliyinin bəzi tabeli qurumları, o cümlədən Dövlət Avtomobil Nəqliyyatı Xidməti aparatı və 11 regional bölməsi mövcuddur.

Vəzifə funksiyalarını evdə yerinə yetirmələri mümkün olan işçilər də zərurət olduğu təqdirdə onlayn rejimdə işə cəlb olunacaq. Bu məqsədlə bütün əməkdaşların fərdi kömpüter və mobil telefonlarına distant müzakirələrə icazə verən müavfiq proqram təminatı əlavə edilib.

Məqalədə:
Xəbər lenti

Xəbər lenti