Bakı. Trend:
Mənzil satışı hüquq-mühafizə orqanları tərəfindən tam nəzarətə götürülüb.
Trend-in məlumatına görə, bunu Mənzil İnşaatı Dövlət Agentliyinin Aparat rəhbəri Fərman Qurbanlı brifinqdə deyib.
O qeyd edib ki, hər hansı bir qeyri-qanuni hərəkət müəyyən edilərsə, dərhal tədbir görüləcək.
Xatırladaq ki, bu gün saat 11:00-da Mənzil İnşaatı Dövlət Agentliyi (MİDA) tərəfindən Yasamal rayon İkinci Yaşayış Kompleksi üzrə mənzillərin satışı həyata keçiriləcək.
Ümumilikdə 18 binadan 815 mənzil satışa çıxarılır.