Bakı. Trend:
Həkimlər arasında yaş məhdudiyyəti ola bilməz. Savadlı həkimdirsə, peşə bacarıqları, sağlamlığı imkan verirsə, fəaliyyətlərinə davam etməlidirlər.
Trend-in məlumatına görə, bunu Milli Məclisin Əmək və sosial siyasət komitəsinin sədri Musa Quliyev “Psixi sağlamlıq xidmətlərinin münaqişədən sonrakı dövrdə koordinasiyası və transformasiyası” layihəsinin aralıq nəticələrinin təqdimat mərasimində deyib.
O qeyd edib ki, həkimlərin pensiyaları yüksək deyil ki, ondan sonra gedib yaşasınlar.
"Psixi sağlamlıqdan danışırıqsa, bu da onların psixi sağlamlığına birbaşa zərərdir", - deyə o, əlavə edib.