Bakı. Trend:
Bakı şəhəri inkişafdadır, Baş plana əsasən işlər ardıcıllıqla davam etdirilir.
Trend xəbər verir ki, bunu bu gün 20 Yanvar faciəsi ilə əlaqədar Şəhidlər xiyabanını ziyarət edərkən jurnalistlərə açıqlamasında Bakı Şəhər Hakimiyyətinin başçısı Eldar Əzizov deyib.
"Bakının Baş planı əsasında köhnə binaların söküntüsü davam edir", - E. Əzizov əlavə edib.
Qeyd edək ki, 30 dekabr 2023-cü il tarixində Nazirlər Kabineti “Bakı şəhərinin 2040-cı ilədək inkişafına dair Baş planı”nı təsdiq edib.
Bununla bağlı Baş nazir Əli Əsədov yeni qərar imzalayıb.
Qərar Şəhərsalma və Tikinti Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə haqqında 29 iyun 2012-ci il tarixli qanunun tətbiqi barədə ölkə Prezidentinin 4 sentyabr 2012-ci il tarixli fərmanına əsasən, Dövlət Şəhərsalma və Arxitektura Komitəsinin təklifi nəzərə alınaraq qəbul edilib.