Bakı. Trend:
Bu gün Azərbaycanda Ramazan ayı başlayır.
Trend xəbər verir ki, bu il üfüqümüzdə hilalın (təzə Ayın) görünməsi Ramazan ayının 1-i miladi təqvimlə 2025-ci il martın 1-nə təsadüf edir.
Eyni zamanda, bu il ilk Qədr gecəsi martın 18-nə təsadüf edəcək.
Ramazan ayının 20-dən 21-nə keçən gecə (20 mart), Ramazan ayının 22-dən 23-nə keçən gecə (22 mart) və Ramazan ayının 26-dan 27-nə keçən gecə (26 mart) növbəti Qədr gecələri olacaq.
Eyni zamanda Azərbaycanda martın 30-31-i isə Ramazan bayramı qeyd ediləcək.
