Bakı. Trend:
8 Noyabr prospektində daha əvvəl yaradılmış mikromobillik zolağının “Crescent Mall” və Bakı Ağ Şəhər bulvarı ilə birləşdirilməsi məqsədilə Neftçilər prospekti və ona bitişik yolda yeni mikromobillik zolağı salınıb.
Bu barədə Trend-ə Azərbaycan Yerüstü Nəqliyyat Agentliyi tərəfindən məlumat verilib.
Bildirilib ki, bununla yanaşı, piyadaların və fiziki məhdudiyyətli şəxslərin hərəkətini asanlaşdırmaq və təhlükəsizliyini təmin etmək üçün mövcud piyada keçidlərinin önündə panduslar inşa edilib.