Bakı. Trend:
Bakıda qarlı və yağışlı havalarda küçədə taksi tapmaq müşkülə çevrilir. Hava şəraiti dəyişən kimi taksi qiymətləri də bahalaşır. Təbii ki, bu qiymət artımı sünidir, heç bir iqtisadi əsası yoxdur.
Trend xəbər verir ki, bu gün yağan yağışa görə də Bakıda fəaliyyət göstərən takşi şirkətləri qiymətləri kəskin artırıb.
Müxtəlif taksi şirkətləri eyni məsafə üçün gediş haqqını azı 50% bahalaşdırıb. Bu hal manatlıq taksi dediklərimizdə də müşahidə olunub.
Qiymətlərin havanın düzəlməsindən sonra normallaşacağı gözlənilir.