Bakı.Trend:
Azərbaycanda ilk dəfə İİV-infeksiyasının aşkar edildiyi 1987-ci ildən 2025-ci ilin noyabr ayının sonunadək Respublika QİÇS-lə Mübarizə Mərkəzində 11 413 Azərbaycan vətəndaşı rəsmi qeydiyyata alınıb.
Trend xəbər verir ki, bu fikirləri QİÇS-lə Mübarizə Mərkəzinin direktoru Famil Məmmədov Ümumdünya QİÇS-lə mübarizə gününə həsr olunan konfransda çıxışı zamanı səsləndirib.
F. Məmmədov bildirib ki, qeydiyyatda olanların 71,6%-ni kişilər, 28,4%-ni isə qadınlar təşkil edir.
“Ümumilikdə 1987-ci ildən cari ilin noyabr ayının sonunadək İİV-infeksiyasından dünyasını dəyişənlərin sayı 1 540 nəfər olub”, - deyə o əlavə edib.