Bakı. Trend:
Bayram günlərində paytaxtdan bölgələrimizə üz tutan, tətil
ərəfəsində səfərə çıxan vətəndaşların sayında çoxluq müşahidə
olunur. Bu isə yollarda nəqliyyat sıxlığının yaranmasına və
qəzaların baş vermə ehtimalının artmasına səbəb olur.
Trend xəbər verir ki, bu barədə Daxili İşlər Nazirliyinin bayram günlərində səfərə çıxan sərnişinlərə müraciətində qeyd olunub.
Bidirilib ki, arzuolunmaz hadisələrin qarşısını almaq və risklərdən sığortalanmaq üçün tətil günlərində daha diqqətli və məsuliyyətli olmaq, sadə qaydalara riayət etmək vacibdir.
- avtomobilin texniki sazlığını yoxlayın;
- günün erkən saatlarında yola çıxın;
- sərxoş və ya yuxulu halda sükan arxasına əyləşməyin;
- təhlükəsizlik kəmərindən istifadə edin;
- sürət həddini yol və hava şəraitinə uyğun seçin;
- ötmə və manevr qaydalarına uyğun davranın;
- diqqət yayındıran bütün hallardan çəkinin.