Bakı. Trend:
"Qoşulmama Hərəkatının Gənclər Həftəsi" açıq, səmimi və nəsillərarası dialoq üçün yaradılmış bir platformadır.
Trend xəbər verir ki, bunu Qoşulmama Hərəkatının Gənclər Təşkilatının sədri Leyla Həsənova Bakıda keçirilən “Qoşulmama Hərəkatının Gənclər Həftəsi” tədbirində bildirib.
“Yaxın günlər ərzində biz qeyri-müəyyənlik şəraitində diplomatiya, dayanıqlı inkişaf və enerji keçidi, şəhər inkişafı, həmçinin gənclərin beynəlxalq və siyasi yönümlü sahələrdə mənalı karyera qurması üçün zəruri olan bacarıqları müzakirə edəcəyik. Bu müzakirələr qlobal çağırışları, eləcə də Qoşulmama Hərəkatının əsas dəyərlərini əks etdirir və əməkdaşlıq, dialoq və qarşılıqlı hörməti ehtiva edir”, – deyə o bildirib.
Onun sözlərinə görə, bu həftə müzakirələrlə kifayətlənməməyə həsr olunub. Söhbət ideyaların fəaliyyətlə, siyasətin isə insanlarla vəhdətindən gedir.
“Biz tez-tez eşidirik ki, gənclər sabahın liderləridir, lakin onlar artıq bu gün də fəal iştirakçıdırlar, yeni baxışlar, məsuliyyət və həll yollarının tapılmasına səmimi sadiqlik gətirirlər”, – deyə L. Həsənova qeyd edib.
O vurğulayıb ki, tədbirə 100-dən artıq iştirakçı qatılıb.