Bakı. Trend:
Ümumdünya Səhiyyə Təşkilatı (ÜST) yeni təhlil edilmiş məlumatlara əsaslanaraq, "MV Hondius" kruiz gəmisində yoluxma hallarına səbəb olan hantavirusun qlobal yayılma riskinin aşağı olaraq qaldığını bildirib.
Trend-in məlumatına görə, bu barədə ÜST "X" sosial şəbəkəsində yazıb.
"İctimai səhiyyə riski mövcud olan ən son məlumatlardan istifadə etməklə yenidən qiymətləndirilib və qlobal risk aşağı olaraq qalır", - deyə bildirilib.
Qeyd edilib ki, yoluxmamış kruiz gəmisi sərnişinləri və heyəti üçün risk orta səviyyədə qalır ki, bu da təmasda olanların inkubasiya dövründə xəstələnə biləcəyini və buna görə də izlənilməyə davam edilməsinin vacibliyini göstərir.
ÜST nəzarət tədbirləri görüldükdən sonra virusun daha da yayılma riskinin azalacağını gözləyir.
